13,800 total views
කළුතර ප්‍රදේශයේ ලැගුම්හලක තුන්වන මහලෙන් පහළට තල්ලු කර මරා දැමූ බව කියන 16 හැවිරිදි පාසල් සිසුවිය එම ලැගුම්හලට රැගෙන ආ බව කියන මෝටර් රථය කළුතර පලාතොට ප්‍රදේශයේ සඟවා තිබියදී සොයා ගත් බව කළුතර දකුණ පොලිසිය පවසයි.
අදාළ සිද්ධිය සම්බන්ධයෙන් මේ වනවිට අත්අඩංගුවට ගෙන ඇති සිසුවිය සමග ලැගුම්හලට ගිය බව කියන තරුණයකු සහ තරුණියක එළඹෙන 15 දින දක්වා රිමාන්ඩ් භාරයට පත්කර ඇති අතර මෝටර් රථය සඟවාගෙන සිටි ප්‍රධාන සැකකරුගේ මිතුරකු බව කියන පුද්ගලයා ද පොලිසිය මගින් අත්අඩංගුවට ගත් බව පොලිස් නිලධාරියකු පැවැසීය.
සිසුවියගේ පශ්චාත් මරණ පරීක්ෂණය සහකාර අධිකරණ වෛද්‍ය නිලධාරී ඩි කේ වෙනුරජිත් විසින් කළුතර නාගොඩ මහ රෝහලේදී පවත්වා ශරීර කොටස් හා රුධිර සාම්පල් වගේ රස පරීක්ෂක වෙත යොමුකර විවෘත තීන්දුවක් ලබා දුන් බව පොලිසිය කියයි.
දැරියගේ ශරීරයේ ස්ථාන කිහිපයක දත් පහරවල් දක්නට ලැබී ඇතැයි ද සඳහන් වේ.
මියගිය සිසුවිය සමග ලැගුම් වලට ආ බව කියන විසිනව හැවිරිදි පුද්ගලයා විවාහකයකු බවත් ඔහු ප්‍රධාන පෙළේ මූල්‍ය සමාගමක ගෙවීමට අපහසු වාහන අත්පත් කරගන්නා බවත් පොලිස් විමර්ශනවලදී අනාවරණ වී ඇත.
මේ වන විට එම සැකකරු අත්අඩංගුවට ගැනීම සඳහා පොලිස් කණ්ඩායම් දෙකක් යොදවා ඇතැයි සහකාර පොලිස් අධිකාරී දුමින්ද රාජපක්ෂ පැවසීය.
කළුතර දකුණ පොලිසිය මේ සම්බන්ධයෙන් වැඩිදුර පරීක්ෂණ පවත්වයි.
උපුටාගැනීම අරුණ
More Stories
දකුණු ආසියාවේ හොඳම අධ්‍යාපන ක්‍රමය රට තුළ නිර්මාණය කරනවා: ජනාධිපති රනිල් වික්‍රමසිංහ
හිටපු පොහොට්ටු මන්ත්‍රී ජනප්‍රිය නළු උද්දික ප්‍රේමරත්නගේ වෙඩි තබා ගැනීමේ සිද්දියේ සහාය නළු ASPව අල්ලන්න පොලිසිය කරන්න යන අලුත්ම වැඩේ
ආණමඩුවේ ඉඳන් මහරගම අපේක්ෂා රෝහලට එන CTB බස් එකට ප්‍රයිවට් බස් ඩ්‍රයිවර්ලායි-කොන්දොස්තරලායි එකතු වෙලා ගල් ගහලා!